Resident Evil

Tapos na talaga dapat ang make-up class namin pero dahil may game nung araw na may make-up class kami hindi na namin napasukan ang last subject namin. Kaya eto ngayon ang araw para ituloy ang last subject namin. Naka-civilian ako. Pag pasok ko kala ko hindi ako papasukin dahil lahat ng estudyante e naka-uniform, mabuti nalang hindi ako hinarang at pinapasok ako.
After ng class nagmamadali na ako dahil nagbabalak akong manuod ng sine. Pero dahil ako'y kinonsyenya ng mababait kong kaibigan sinamahan ko muna sila at nagpaturo sa akin ng INPUT MASKING. Ayun naturo ko naman at nagmamadali akong pumunta sa malapit na mall na malapit sa Santolan Terminal.
5:10 ang pinakamalapit na time para masimulan ko yung movie. At dahil 4:45 palang bumili muna ako ng isang bucket ng popcorn at isang coke in can. At yun pumasok ako ng sinehan, pag akyat ko sa taas ang konti ng tao. Hindi ko ineexpect yun, pero ok na rin para in case na may mangyari sa aking kakaiba ako lang ang makakita. Bago mag-start ayun binuksan ko na ang coke ko, dahil madilim, hirap na hirap akong buksan, hindi ko na pala na wala na sa tamang pwesto yung bukasan at nagresulta sa pagkasira ng bukasan. wahahaha! Nasira ko ang bukasan nang hindi ko nabubuksan ang softdrinks. Nagpapanic na ako, dahil sayang naman ang coke kung hindi ko to bubuksan at mabibilaukan ako pag wala akong panulak nagisip nalang ako ng mga paraan. 1.) Lalabas ako at papabukas ko nalang kay ateng tindera, pero sabi ko baka magsimula sayang naman. Kaya pilit ko syang binubuksan gamit ang daliri ko pero walang nangyari, naghahanap ako ng mga bagay na matigas sa dala kong bag. Dahil puro bond paper, isang ballpen at ID lang ang laman nun, no choice ako at kailangan kong gamitin ang ballpen ko. Pasalamat nalang talaga at wala akong katabi at kahilera sa upuan at hindi nakita ang kahiya hiyang pinagagagawa ko. At isa pa buti nalang wala akong masyadong katabi at hindi nila napapansin pag-nagugulat ako, dahil halimbawa baka may katabi ako lagi akong tignan at magtaka kung anong nangyayari sa akin. So yun tuloy lang ng panonood. Magbibigay nalang ako ng mga parts, higlight, comments sa napanood ko

++ Ang astig ng fighting at shooting style! Naelib ako!
++ Gusto ko ang damit nila
++ Babae nanaman ang natira sa palabas na yun! Sabagay babae naman ang bida! Pagbigyan!
++ Ang high-tech! wahaha!
++ Hindi enemphasize ang laban nila ng kontrabida, namatay lang nang walang kakwenta kwenta.
++ Nabitin ako sa palabas na yun
++ Pede ng pagtyagaan

Ayun nagdesisyon lang akong manuod para masulit ang araw ko.