Paalam muna!

OO! Paalam muna! Tinatamad na akong magsulat at magkwento at umikot sa kung kani kaninong blog! Bihira na rin akong mapadpad sa site na to halatang wala akong oras!

Kung nabasa nyo yung post ko bago to dun nyo malalaman na kaonti nalang talaga ang oras ko para mag-internet. Isa pa pala nawalan din ako ng time na manuod ng shippuuden, bleach at deathnote! Sabihin nating may 3 araw akong walang pasok pero sa 3 araw na yun wala akong time para magsulat dahil wala akong makwento!

Ayun! Kaya paalam muna!

Bagong Araw sa Kolehiyo

Sa wakas makalipas ang mahigit isang taon, eto nanaman ako at nakapag suot nanaman ng uniform! Nung una medyo ilang ako, dahil hinde ko pa sinusubukang suutin yun! At yun dumating ang takdang oras para isuot ko na siya! Unti unti ko siyang sinusuot na parang nananabik sa isa't isa. Ayun nasuot ko na nga siya parang wala lang.

Umalis ako ng bahay ng mga 5:30 ng umaga kasabay ang aking kaibigan. Pagsakay ko sa jeep nun ko lang naalala na marami pala akong nakalimutan sa sobrang tuwa ko sa sarili ko! Nakalimutan ko ang 1x1 Picture ko, Ballpen ko, Index ko sa Math na akala ko naiwan ko kaya napilitan akong gumawa sa jeep habang paliko-liko ang andar, bond paper, lapis at yellow pad.

Pagdating ko ng Letran kala ko walang pasok kasi walang estudyante na pumapasok ewan ko kung ganun lang talaga dun. Pag pasok ko ng Letran dun ko lang napansin na pede papalang di mag-uniform. Badtrip. Pero ayos lang kasi unti unti naman akong nagiging komportable sa suot ko. Bago ako pumasok ng classroom pumunta muna ako ng Bookstore para bumili ng bond paper, lapis at 2 libro ko.

Math ang 1st subject ko. Actually may quiz ako nun hinde ako nag-review nung gabi kasi tinatamad ako at wala akong maisip na Math Problem para pag-praktisan ko kaya umasa nanaman ako sa stock knowledge ko. Ayun oras na ng pagsusulit, nung nakita ko yung papel parang lahat ng pinag-aralan ko nung nasa Mapua ako e bigla kong naalala. Kaya dali dali kong sinagutan, hinde naman sa pamamayabang, kung ikukumpara ko ang quiz sa Mapua dun sa Letran, masasabi kong wakwents ito. Hahahaha! Kaso di ko natapos kasi ang 1 hour na pagsusulit e umabot lang ng 45 minutes. Mukang di sineseryoso ng mga kaklase ko yung na-checkan kong papel 5 lang ang score.

Sunod naman ang Filipino subject kung saan ang salitang "FINE" e sikat. Pag pumapasok ako sa section na yun pakiramdam ko lagi kong naririnig ang salitang yun. Buti nalang medyo okay ang Prof kaya nawala sa isip ko ang bagay na yun. Isa pa nagkaroon ng sitting arrangement kaya may pagkakataon na akong magkaroon ng kaibigan. Hahaha.

Walang nangyari sa next subject ko, isa lang ang masasabi ko model type ang kakwentuhan kong babae! Hahahahaha!

After ng Lunch bumalik ako sa skul para sa susunod na klase, kaso walang prof kaya umuwi kami ng maaga.

Tumambay muna ako ng SM Manila para magliwaliw kaso mas lalo akong napagod. Hinintay ko nalang yung kaibigan ko para may kasabay ako pag-uwi

Nung nasa LRT kami ng kaibigan ko may katapat kaming mga Hapon, katuwaan namin pinagtitripan namin ng pabulong! Hahahaha! Kaso may estudyanteng nag-approach sa kanila at dun namin nalaman na marunong pala silang mag-Tagalog. Ayun usap usap sila. Hanggang sa nagkahingian ng number. Tsk. Ang bilis ng pangyayari.

Managing My Time

Ngayon lang nangyari sa buhay ko to! Ang mamroblema sa oras! Dati nung nasa Mapua ako hinde ko naman talaga to nararanasan! Naranasan ko naman pero isang subject lang at yun ay ang DRAW101 at DRAW102. Pero this time iba e!


5:30 am - alis ko ng bahay

7:30 - 3:00 - pasok at uwian ko sa skul

5:++ - dating ko ng bahay

5:30 - nuod ng t.v

6:00 - iidlip hanggang hintayin ang kainan

ang mga sumusunod na oras e hinde ko na alam hatiin. Assume nalang naten na nasa kalahati na tayo ng semester. Expected ko na marami ng nakaabang na madaming gawain, lalo na at ako ay I.T, asahan mo na ang maagang pag-aral ng Programming. Hinde pa kasama ang pag aral para sa ibang subject at para sa sarili kong kaligayahan. Baka isipin nyo masyado akong o.a mag-isip, mali po kayo dyan. Iniisip ko lang ang maaring mangyari. Kaya hangga't maaga minamage ko na to pero hirap talaga ako. Mahirap mag-isip. Minsan iniisip ko na mag-dorm kaso mahirap, kasi mahirap dalhin ang buong computer sa dorm at isama mo pa ang hinde masyadong pagtitiwala sa mga kasama mo. Tsk. Hirap na ako. Tulungan nyo nalang ako!

Second Day : Loner

Eto ang second day ng pasok ko. As usual hindi pa rin ako naka-uniform. Dahil ayoko pa. Medyo napaaga ang pasok ko dahil sa kasabay ko. Kaya ayun nakatambay ako dun ng 30 minuto.

Theo01 - Prof. Chinito
Nasa iba nanaman akong section. This time sa likod ako naupo syempre malapit pa rin ako sa pintuan. Ayun muka nanaman akong kaawa awa! Hahahahaha! Kakaiba ang itsura nh mga kaklase ko! Wahahahaha! Dumating na si Prof. Ayun nga chinito at okay naman. Mabait at hinde boring para sa Theology. Ayun pinakilala nya sarili nya at ganun din kami. Ayoko talaga ng pakilala pakilala. Nakakakaba. Cool pala si Prof. Marunong makisama sa amin.

ENG100 - Prof. Time is Gold
Ayun. Same section parin ako. Sa harap naman ako umupo. Ang prof ko ay isang matandang dalaga pero hinde naman halata para sa edad nya. Ayun pinakilala nya rin ang kanyang sarili. Tapos kami nanaman. Tsk! Nakakasawa na ang paulit ulit na sinasabi. Ako ang unang nagpakilala. Pangalan. Course. Hobbies at kung ano ano pa. Pagkatapos magpakilala ng lahat nagbigay ng activity si maam. Tungkol sa subject na English. Group Activity yun. At dahil dun kahit papano e nagkaroon na ako ng maitatawag na classmate na maaring maasahan.

Comp103 - Prof. True Blooded Mapuan
Nalate ako ng konti. Pagpasok ko sa room andun na yung prof. Ayun yung section na yun ay ang section kung saan ako napahiya. Sa harap ako ulit umupo dahil walang umuupo e. Ayun pinaliwanag ni sir ang sakop ng aming tatalakayin para sa mga susunod na pagkikita. Nagtatanong siya at ako lang ang nakakasagot *mayabang*. Siguro para sa mga baguhan na katulad nila alien language ang ginagamit ni sir. Dahil mahirap nga naman intindihin kung wala kang background sa Comp. Ayun 90% ng tanong ni sir ako lang ang sumasagot. Hahahaha! *mayabang ulit*. Sinabi ko na sa sarili ko na irerevenge ko ang "FINE" sa mga kaklase ko at idadaan ko yun sa pakitang gilas! Wahahahaha! Ayun nga at dinaan ko! Wuhu! Napapanganga mga kaklase ko sa akin! Mukang sa mga COMP subject malaki ang lamang ko sa kanila!

Lunch
Ayun. Maaga kami pinalabas. Sa labas ako kumain dahil hinde ko feel sa canteen. At pakiramdam ko may freedom ako pag nasa labas ako ng skul. At dahil namiss ko ang walls dun ako kumain. Dun sa may tapat ng Mapua. Pagkatapos kong kumain pumunta ako ng Mcdo para bumili ng Coke Float. Tapos dumaan ako ng Mapua at nakita si Lenard (note: the real lenard hinde yung clone nya!). Yun kamustahan. Tapos tumambay ako ng 5 minutes sa tapat ng Mapua. Balik skul. Naghintay nanaman ako ng 1 oras para sa susunod na subject

Philo101 - Prof. Authistic
Same section pa rin. Pagpasok ko sa room narinig ko ang salitang "FINE". Nabadtrip ako nun. Kaya talaga pinangako ko sa sarili ko na tatalunin ko sila! Lalaki prof ko. Mukang adik. Parang hinde halata ng Philo talaga ang tinuturo nya! Ako lang ang mag-isa sa unang row. DISCRIMINATION!!! Pero ayos lang. Ayun nagpakilala ulit. Tapos konting lecture. Eto nanaman, ako nanaman ang tinanong ayun. Sagot naman ako at nasabihan naman ako ng Very Good. Ahahahaha! Pakitang gilas nanaman! At eto pa pinahiya ko ng prof ko. Bago ako tanungin sabi ba naman sa akin

Prof: Sigurado ka bang dito ka? Dun kasi ang High School Department e.
Klase: Tawanan
Ako: Opo, nginitian ko nalang siya.
Prof: Tuli ka na ba?
Klase: Tawa ulit.
Ako: Ngiti ulit

Ayun. AKo pala-sagot naman.

First Day : Loner

Eto ang araw ng aking first day sa Letran. Past 7 na ako nakarating sa skul. Naka civilian muna ako ngayon kunwari wala pa akong uniform dahil tinatamad pa talaga akong mag-uniform. Ayun pumila muna bago pumasok sa campus kasi gina-guide ng guard yung mga new student sa kanilang room. Ayun nakarating naman ako ng matiwasay sa room

Math102 - Prof. Denial Stage (Code Name)
Eto ang 1st subject ko ngayong araw. Pumwesto ako sa harap malapit sa pintuan. Sa room na yun ako lang ang I.T dahil ako ay isang Irreg. Ang mga kaklase ko mga Business Management ang course. Alien ako sa room. Akala ko nung una ako lang ang irreg yun pala hinde meron din pala. Kaya ayun nabunutan ako ng tinik. Dumating na si Prof. Lalaki ang prof ko. Medyo ok naman sya kaso naghihinala ako sa kanyang kasarian! Wahahahaha! Ayun pinaliwanag nya ang kanyang mga policies at kung ano ano pa. Sa tingin ko naman e maayos at hinde terror. Kaso natatawa ako sa pagsasalita nya sa kasi Ilocano siya.

Fili1 - Prof. Walang Tuldok
Medyo maaga akong na-dismiss sa unang subject ko kaya kina-ilangan kong maghintay ng matagal sa tapat ng room ko. Bago pumasok sa room may kumakaway sa akin. Nagtataka ako kung bakit nya ko kinakawayan e hinde ko naman siya kilala. Pero nung lumapit sya at kinausap nya ako tsaka ko nalang naalala na sya pala yung kausap ko nung Orientation. Wahahahaha! Pumasok na ako sa room. Dun ulit ako pumwesto sa harap. Parang block section ko na ring maituturing ito, dahil apat sa subject ko eh dito ang section ko. Ayun dumating na si Mam! Medyo may edad na siya pero ok naman mapagbiro din. Hinde rin sya mukang terror kaso dito ata ako mapapagastos dahil sa mga activity work na papagawin sa amin. Pero mukang ok naman, kakayanin. Ito kasi yung gusto kong maranasan.

Comp101 - Prof. Newly Hired
Ito ang subject ko bago ang vacant ko. Medyo madami dami kami dito. Puro lalake at 4 na babae? Dito sa subject na to sa tingin ko ako duduguin sa dami ng terms at kung ano ano pa na dapat kabisaduhin. Tsk. Pero parang ok prof ko e, tini-train na talaga kami as Professional I.T. Astig!

Lunch
Mga quarter to 12 kami pinalabas, kaya maaga din akong nag-lunch. Dahil maaga akong nag-lunch yun naman ang tagal ko para maghintay sa susunod kong subject! Tsk! Ayos! 1 1/2 oras ang hihintayin ko! Kumain ako mag-isa. Loner! AMpf!

Comp200 - Prof. Smiling Face
Medyo kumportable ako sa subject na to, hinde ko alam kung bakit. Sa harap ulit ako naka-pwesto! Ayun nagpakilala siya, kwento kwento tungkol sa buhay nya. Tapos explain ng policy nya at grading system. Pagkatapos nun nagkaroon ng activity. Magpapakilala ka sa mga kaklase mo. Pang 14 ako. Eto na ako na.
Prof: Mr. Nobleza, explain yourself
Ako: I'm Cyrile Nobleza. 17 years old. I am a transferee from Mapua Institute of Technology
Prof: Oh?! Ano ang course mo dun?
Ako: Electrical Engineer po!
Prof: ah ok

Prof: What is your age? (pabulong)
Ako: Fine
Prof: What is your age?
Ako: Fine
Prof: What is your age again?
Ako: (confident) FINE MAAM!

Tsk! Napansin ko nalang na nagkamali ako ng rinig ng tumawa ang buong klase! Ampf! First Day Sabaw sabaw agad ako! Tsk! Tumawa nalang din ako para hinde halatang napahiya! Wahahaha! Ayun buti naman at natapos na. Ayun kwento ulit sya. Muntik pa ngang magbigay ng assignment. Ilang minuto ang nakalipas nagtanong sya kung sino ang may alam sa DBMS, kuminang mata ko! Kaso pinakikiramdaman ko muna mg classmate ko kung alam nila yun, dapat magtataas ako ng kamay kaso nahihiya ako. Kahit yung classmate kong graduate ng ComSci sa UST e hinde alam yun. Tsk! May ADVANTAGE AGAD AKO! Hahahahaha! Ayun ilang minuto nalang at uwian na. Talagang di papaawat si mam, nagbigay talaga ng assignment. Sesend nya nalang daw sa email namin.

Isa lang ang natutunan ko sa araw na to. Maging attentive. Kelangan ng magsunog ng kilay. Kelangan ng magpakapuyat. Kelangan ng MAG-ARAL ng dibdiban!

Binyag Arriba!

Day 1
June 7 ang unang araw ng aking kapwa freshman sa Letran. Ibibilang ko pa rin ang sarili ko bilang freshman kasi 1st year ulit ako e. Hahahah! 7:30 ang start kaya 4:20 palang gising na ako. Hinde ako makatulog hindi dahil sa excited ako kundi mainit at inaatake nanaman ako ng aking insomnia! Cool! Ayun kaya pagkagising ko muka akong bangag at hilo! Pero napawi naman yun ng buhusan ko ng malamig na tubig ang aking katawan. Mga 5 ako umalis ng bahay kasi kakain pa ako sa kanto ng silog! Tinatamad kasi akong magluto!

Dumating ako ng Letran ng alas-7 ng umaga! Wow! Gagawaran nanaman ako neto ng Most Punctual Award! Pagpasok ko ng Intramuros marami rami na ring excited na mga estudyante! Ako binalewala ko sila kasi naiinggit ako! Loner ako! Nakakaawa ako! Pero salamat sa mentos dahil tinulungan nya akong magmukang hinde kaawa awa. Bago ako makarating ng Gym may nakita akong pila. Nakipila na rin ako kahit hinde ko alam kung para saan ang pila na yun! Nang nakaramdam ng awa ang guard pinapasok na nila kami! Naghintay ulit kami ng ilang minuto.

Makalipas ang ilang minuto pinapasok na kami sa mismong GYM ng Letran. Hinati ang CBAA (College of Business Admistration and Accountancy) at CLAS (College of Liberal Arts and Science) kung saan ako kabilang. Salamat nalang at loner ako at kahit papano e nakakasingit ako! Hahahaha! Hinde naman sila pumapalag at dapat lang yun! Pagpasok ko naghanap agad ako ng upuan.

Mga 8 ng umaga nagkaroon muna ng Mass. Nakakaantok talaga mag-mass! After ng mass nagsimula na ang program. Pinakilala muna ang mga Professors sa bawat subjects. Lahat ng sinabi nila hinde pumapasok sa utak ko dahil inaantok talaga ako salamat nalang sa cute na babaeng katabi ko at kahit papano e napapawi ang aking antok. After ng pagpapakilala may pinanuod samin hinde ko rin masyadong natutukan dahil inaantok ako. Nag-show din yung mga Cheerleaders ng Letran at tinuro din nila yung cheer namin for the upcoming NCAA.

Mga 10 hinati ulit yung dalawang College para pumunta sa magkaibang building. Orientation part two kasama ang mga ka-course mo at ka department pati na rin ang mga makakasama mo pagdating na sa Majoring ng aming mga Course. HIndi ulit pumapasok sa utak ko ang mga sinasabi nila kasi gutom na ako nun!

Lunch na bago ako kumain kinuha ko muna yung uniform ko tsaka ako kumain. 2 stories ang canteen yung isa hinde aircon at yung isa aircon. Dun ako sa aircon kasi konti ang tao. Kung nakikita nyo ako dun maaawa kayo sa akin dahil mag-isa lang talaga ako! Huhuhuhu!

Pinababalik kami sa room ng mga 1:30, mga 1 nandun na ako. Ayun nakakaantok pa rin. Mga 3 natapos bago umuwi dumaan muna ako sa Mapua.

Day 2
Pangalawang araw ng Orientation. Ito yung araw kung saan may initiation para sa pagiging tru-blooded letranites ng mga freshman. Loner pa rin ako nun. Wala ng Mass na nangyari. Puro special number nalang ang pinapanuod namin. Then ayun na ang pinakakaantay ng iba ang uwian! Joke lang! Ang initiation. Pinalabas lahat then hinati ulit, tapos namigay ng rosary. Anong gagawin ko sa rosary e hinde naman ako katoliko. Wala lang. Tapos yun na! Tapos na! Pumunta ulit ako ng Mapua kaso wala akong nakitang kaibigan kaya umuwi nalang ako then kumain sa SM.

Tagged? (ampf!)

MGA BATAS:

1.) Write about how much addicted you are towards something.
2.) Don’t forget to include the percentage of “addictedness” towards that thing.
3.) All with one condition. The total percentage must reach 100%.
4.) You MUST tag others and continue tagging but please don’t forget to explain the rules and notify that person so that they know they had been tagged.

-I> Internet (45%)
oo! malaki syang bahagi ng aking pagiging adik! magmula ng umusbong ang internet sa aming bahay, eto na ang nagsilbing opisina ko sa araw araw na pamumuhay ko! Maraming bagay akong na-eexplore isa na dun ang mga bagay na nagbubukas ng napaka konserbatibo kong pag-iisip. Ito ay ang Pag-ba-blog! (dumi ng isip mo!). Uhm? Lahat na ata ng pede kong gawin e nagagawa ko na! Kumikita pa ako! Wahahahaha!

-I> Mga Samo't Saring Kanta / Tugtog (20%)
Nakasama siya dahil adik ako sa musika! Pero hinde ako marunong ng kahit anong intrumento maliban sa triangle na panigarudo lahat alam gamitin ito! Malaki ang ligayang naiidudulot nito sa pang-araw araw na buhay ko, lalo na sa tuwing pumapasok ako! Dahil ayun lang ang nagbibigay kaligayahan sa akin sa tuwing ako ay pumapasok/umuuwin ng skul/bahay! Masarap iyugyug ang ulo sabay sa tugtog ng musikang iyong pinapakinggan habang ang ibang tao ay pinagtatawanan ka dahil sa muka ka ng adik!

-I> Anime (15%)
Mahilig ako talaga sa anime! Simula ng nauso ang Blink, Akazukin Cha cha, Dragon Ball at kung ano ano pa! Lumala lang siya nung 1st year high school dahil sa pag welcome nya sa akin sa mundo nya! Ang anime, kaya muka syang anime! Mukang drinawing lang itsura e! Juk lang! Ayun hanggang sa lumala at heto ako adik pa rin sa anime! Pinagtyatyagaang panuorin ang latest episode ng Bleach, Death Note, at Naruto Shippuuden sa YouTube para lang masubaybayan!

-I> Libro (10%)
Oo! Mahilig akong magbasa ng mga librong may piktyur! Joke lang! Isa na sa mga hobby ko ang pagbabasa ng mga libro na sa una lang binabasa pagdating sa kalagitnaan ending na agad ang gustong basahin dahil sa sobrang excitement! Joke lang ulet! Eto totoo na! Alam naman naten na isa sa pinaka-boring gawin e ang pagbabasa. Yung mukang anime din yung nag-impluwensya sa akin na matutong magbasa! Harry Potter and the Prisoner of Azkaban ang unang libron kong natapos! Oha! San ka nakakita ng reader na yung 3rd book agad ang binasa kesa sa unang libro! At ayun ngayon naghahanap ako ng mababasa, kahit Math Book pinapatos ko minsan! Hahahaha!

-I> Tong-its (5%)
Netong bakasyon lang ako natutong mag-tong its! Kasalanan to nung 2 kong kaibigan! Na-out of place ako sa kanila dahil silang dalawa e natutuwang maglaro habang ako gumagawa ng sarili kong kaligayahan! Buti nalang nasa bahay ang aking pinsan kung saan dalubhasa sa sugal at ayun nagpaturo ako! Mabilis naman akong natuto at simula nun nahilig na akong maglaro. Wala nga lang kasamang pera sa laro dahil pulubi ako!

-I> Mag-Piktyur (2%)
Uhm? May balak talaga akong maging photographer dati pa! Ayun kaya ako nag-fefeeling gamit ang aking cellphone! Lahat ng nakakaasiwa, nakakatawa at kung ano ano pa pinipiktyuran ko para sa aken, ginagawa ko yun dahil gusto ko may remembrance ako sa mga bagay na aking natutuklasan o napupuntahan.

-I> Sudoku (1.5%)
Yep! Sudoku! Napamahal na sa akin ang paglalaro ng sudoku! Natutunan ko to sa isang kaibigan na aking nakakasabay tuwing sumasakay ako ng LRT papasok! Nung una hirap talaga akong intindihin ang mechanics ng laro pero makalipas ang 10 taon, ayun natututunan ko na siya! Masaya ako tuwing may "Xpress" na dyaryo sa LRT dahil alam ko na iyon lang ang magtatanggal ng boredom ko sa loob ng pananatili ko ng panandalian sa LRT

-I> Langgam (1.5%)
Hahahahaha! Bata pa lang tuwang tuwa na akong paglaruan ang mga langgam! Sila ang sumasalo ng kapraningan ko kaya kung ano ano ang ginagawa ko sa kanila! Naalala ko pa dati, may laruan akong parang lagayan ng lupa na babasagin, ayun nilagyan ko ng lupa at nilagyan ko ng sari saring breed ng langgam, tapos para hinde naman sila magutom hinahandugan ko sila ng gagamba! At gusto kong iparanas ang snow na hinde ko naman nararanasan e gumawa ako ng paraan para magkaroon ng snow sa lugar nila, eto binuhusan ko ng pulbos! Pagkatapos pinagalitan ako ng nanay ko! Isa pa para kumpleto kelangan may delubyo! Pinaranas ko sa kanila ang magkaroon ng baha! Ayun walang naka-survive lahat sila patay!

Yey! Tapos na! Una to!